كلنا عارفين البسكوت بالشوكولاتة ولنعمل العجينة وبعدين فرن . لكن جربتها سهلة وبسيطة التحضير وبأقل الإمكانيات ممكن نعمل بسكوت بالشوكولاتة سهل وبسيط ومن غير فرن كمان .
المقادير
- 6 باكو بسكوت شكولاتة اى نوع وممكن نزود البسكوت حسب الحاجة
- 1/8 شكولاتة خام
- كوب من اللبن او 3ملعقة لبن بودر على حسب الإمكانيات المتاحة
- ملعقة زبدة
- ملعقة سكر بودرة
طريقة التحضير
نحضر طاسة تيفال ونحط الزبدة واللبن والشوكولاتة وسكر البودرة على نار هادئة جدا عشان الشكولاتة متلزقش فى الطاسة وبعدين نفضل نقلب زى ما احنا قولنا على نار هادئة لحد ما نتأكد انها كلها دابت وبعدين نطفة النار عليها .
نحضرطبق وحنكسر البسكوت لحد ما يتفرفت ونضيف عليها الشكولاتة ونفضل نقلب لحد ما نتأكد أن كل البسكوت اتمزج بالشوكولاتة حنجيب فويل ونبدأ نشكل المكونات بالطول او الشكل الى يعجبنا لحد ما تبقى قطع نلفها بالفويل ونحطها بالفريزر ونقطعها قطع على حسب الحاجة وبالهنا والشفا .